بەهۆی داڕمانی پردێکەوە لە ڕووسیا زیاتر لە 70 کەس برینداربوون

ئاڤا نیوز

 

بەرەبەیانی ڕۆژی یەکشەممە میدیاکانی ڕووسیا بڵاویانکردەوە، لە شاری بریانسک بەهۆی داڕمانی پردێکی گواستنەوەی شەمەندەفەر چەندین کەس برینداربوون. 

 

زانیاری بەدەستهاتوو: ڕۆژی شەممە، 31-5-2025، میدیاکانی ڕووسیا ڕایانگەیاند: بەهۆی داڕمانی پردێکەوە، شەمەندەفەرێک لە سەر سنووری ئۆکراینا لە هێڵی خۆی لاداوە و لە ئەنجامدا زیاتر لە 70 سەرنشین بوونە قوربانی و زیانێکی زۆر بە شەمەندەفەرەکە کەوتووە.

 

لێدوانی فەرمی: ئەلێکساندەر بۆگۆماز، پارێزگاری ناوچەکە ڕایگەیاند: داڕمانی پردێکە لە ناوچەی برایانسک کە هاوسنوورە لەگەڵ ئۆکرانیا بەهۆی 'تەقینەوە' بووە.

 

پێدراوە ڕاستەکان: بەگوێرەی زانیارییە سەرەتاییەکان، شوفێری شەمەندەفەرەکە و شەش کەسی دیکە گیانیان لەدەستداوە و 69 کەسی دیکە برینداربوون، تا ئێستاش لێکۆڵینەوە لە شوێنی رووداوەکە بەردەوامە.