پڕکردنەوەی فۆڕمی هەژماری من لە کەلار دەستپێدەکات

ئاڤا نیوز

 

پڕۆژەی هەژماری من بۆ خێراترکردنی پرۆسەی پڕکردنەوەی فۆرم بۆ مووچەخۆران، تیم بۆ سنووری قەزاکانیش دابین دەکات، لەو چوارچێوەیەدا، ئەمڕۆ لە کەلار دەست بە پڕکردنەوەی فۆڕم بۆ مووچەخۆران دەکرێت.

 

وێنە گەورەکە: زۆرترین ڕێژەی ئەو مووچەخۆرانەی 'هەژماری من'ـیان پڕنەکردووەتەوە لە سنووری سلێمانین، تیمی هەژماری من بۆ ئاسانکاری و خێراترکردنی پرۆسەکە، تیم بۆ سەنتەری پارێزگا و قەزاکانیش دابین دەکات.

 

لێدوانی فەرمی: تیمی هەژماری من بە ئاڤای گوت، "ئەمڕۆ لە بانکی کەلار دەست بە پڕکردنەوەی فۆڕم بۆ مووچەخۆران دەکرێت، بۆ ئەوەی کارئاسانیان بۆ بکەن و لە کورترین ماوەدا زۆرترین بەشداربوو مووچەکانیان بەبانکی بکرێت."

 

ژمارەکان وادەڵێن: تاوەکو ئێستا 790 هەزار مووچەخۆر فۆڕمی هەژماری من ـیان پڕکردووەتەوە، 465 هەزاریان کارتیان وەرگرتووەتەوە. بۆ مووچەی مانگی پێنج 400 هەزار مووچەخۆر لە ڕێگەی 500 ئامێری ATM دەتوانن مووچەکانیان ڕابکێشن.