ترەمپ هاتنی هاووڵاتیانی 12 وڵات بۆ نێو ئەمریکا لە نێویشیاندا ئێران قەدەغەکرد

ئاڤا نیوز

لە فەرمانێکی نوێی سەرۆکی ئەمریکا، لە لیستێکدا ناوی 12 وڵاتی نوێی دیاریکرد کە هاووڵاتیانی ناتوانن بچنە نێو ئەمریکاوە.

زانیاریی بەدەستهاتوو: کۆشکی سپی لە ڕاگەیێنراوێکدا ڕایگەیاند، دۆناڵد ترەمپ، سەرۆکی ئەمریکا، فەرمانێکی جێبەجێکردنی واژۆ کرد کە گەشتی هاووڵاتیانی 12 وڵاتی بۆ ئەمریکا قەدەغە کرد لە نێویاندا هاووڵاتیانی ئێران، ئەفغانستان، بۆرما، چاد، کۆماری کۆنگۆ، گینیا، ئێریتریا، هایتی، لیبیا، سۆماڵ، سوودان، و یەمەن دەگرێتەوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "هێرشە تیرۆریستییەکەی ئەم دواییەی ویلایەتی کۆلۆرادۆ، تیشکی خستە سەر مەترسییە گەورەکانی وڵاتەکەمان، بەهۆی هاتنە ناوەوەی هاووڵاتیانی بیانی بەبێ پشکنینی دروست".

کاریگەری و لێکەوتەکان: سەرەڕای بەردەوامبوونی دانوستانەکانی واشنتن لەگەڵ تاران، سەپاندنی سزایەکی نوێی لەم جۆرە کاریگەری لەسەر دەرئەنجامی دانوستانەکانی نێوان هەردوولا دەبێت.

ئەوەی پێویستە بیزانیت: ئەم فەرمانە لە 9ـی حوزەیرانەوە دەچێتە بواری جێبەجێکردنەوە.