ئاگرەکەی قەرەداخ کۆنترۆڵ کرا

ئاڤا نیوز

ئاگرەکەی چیای دەلوجە لە قەرەداخ کۆنترۆڵ کرا، قایمقامیش ڕایدەگەینێت هەر کەسێک هۆکار بێت لە کەوتنەوەی ئەو ئاگرە ڕووبەڕووی یاسا دەکرێتەوە.

چیرۆکی سەرەکی: شەوی ڕابردوو ئاگرێک لە چیای دەلوجە لە قەرەداخ کەوتەوە، بەهۆیەوە زیانی زۆر بەر دارستان و ژینگەی سنوورەکە کەوت.

لێدوانی فەرمی: شیرین مەحموود، قایمقامی قەزای قەرەداخ بە ئاڤای گوت: ئاگرەکە کۆنترۆڵ کرا، بەڵام بەهۆی ئاگرەکەوە 200 بۆ 250 دۆنم پوش و پاوان و دارستانی ناوچەکە سووتاوە و زیانی زۆری بە ژینگەی سنوورەکە گەیاندووە.

زانیاریی زیاتر: قایمقامی قەرەداخ گوتیشی: لێکۆڵینەوە لە هۆکاری کەوتنەوەی ئاگرەکە دەستی پێکردووە، هەر کەسێک هۆکار بێت ڕووبەڕووی یاسا دەکرێتەوە.