ئێران بۆ یەکەمجار مووشەکێکی نوێ و نهێنیی دژی ئیسرائیل بەکاردەهێنێت

ئاڤا نیوز

ئێران بۆ یەکەمجار مووشەکێکی نوێ و نهێنی دژی ئیسرائیل بەکاردەهێنێت و دەڵێت: ئامانجەکەی سەدا سەد پێکاوە.

چیرۆکی سەرەکی: ماوەی پێنج ڕۆژە جەنگی نێوان ئیسرائیل و ئێران بەردەوامە، هەردوولاش تاوەکو ئێستا هەڕەشەی فراوانکردنی بەرەی شەڕ لە یەکتری دەکەن. ئێران دەڵێت: بە مووشەکی نوێ و پێشکەوتوو هێرش دەکەینە سەر ئیسرائیل.

زانیاریی زیاتر: ئێران ئامادە نییە ناوی مووشەکەکە و هیچ مواسەفاتێکی ئاشکرا بکات، هەموو شتێکی بە نهێنی هێشتووەتەوە و تاوەکو ئێستا هیچ زانیارییەکی لەبارەوە بڵاونەکردووەتەوە.

لێدوانی فەرمی: ڕەزا تاڵایی، گوتەبێژی وەزارەتی بەرگریی ئێران دەڵێت، مووشەکە نوێیەکە بەیانی ئەمڕۆ بۆ یەکەمجار لە هێرشەکان بۆ سەر ئیسرائیل بەکارهێنراوە، تەنانەت ئیسرائیل هەستی پێنەکردووە و تێبینییان نەکردووە کە مووشەکیان ئاراستە کردووە.

٠ ڕەزا تاڵایی قسەی زیاتر لەسەر شەڕەکە دەکات و دەڵێت، ئیسرائیل ناتوانێت بۆ ماوەیەکی زۆر لە شەڕەکە بەردەوام بێت، هەڕەشەش دەکات و دەڵێت: لە هێرشەکانیان بەردەوام بن پشتیان دەشکێنین.

زانیاریی زیاتر: وەزارەتی بەرگریی ئێران ئەم مووشەکە وەکو سوپرایز دادەنێت بۆ ئیسرائیل، هۆشداریش دەدات لەمەودوا ئیسرائیل سوپرایزی هاوشێوەی زۆر دەبینێت و دەڵێت ئیتر چەکی نوێ بەکاردەهێنن.