سەد ساڵە هێندەی ئێستا نرخی زێڕ بەرزنەبووەتەوە

ئاڤا نیوز

 

نرخی زێڕ لە بازاڕەكانی جیهاندا بەرزبووەتەوە؛ ئێستا یەك ئۆنسە زێڕ بە 2,209 دۆلارە ئەمەش بەرزترین ئاستە لە ماوەی شەش مانگی ڕابردوودا.

 

وێنە گەورەكە: نرخی زێڕ لە بازاڕەكانی جیهان و لە بازاڕەكانی هەرێمی كوردستانیشدا بەرزبووەتەوە، لە جیهاندا 10 دۆلار و لە كوردستانیش نزیكەی 15 هەزار دینار بەرزبووتەوە، نرخەكەش تاوەکو دێت بەرزتر دەبێتەوە.

 

لێدوانی فەرمی: هەندرێن وەرتی، سەرۆكی سەندیكای زێرنگەرانی كوردستان بە ئاڤا نیوزی ڕاگەیاند: "بەرزبوونەوەی نرخی زێڕ جیهانییە، لە چەند ڕۆژی ڕابردوودا نرخی مسقالێک زێر سێ هەزار دینار دابەزیوە".

 

ئەوەی پێویستە بیزانیت: نرخی یەكگرام زێڕ لە بازاڕەكانی جیهاندا بە 71 دۆلارە، یەك كیلۆ زێڕ 71 هەزار و 21 دۆلارە، كە لە ماوەی سەد ساڵی ڕابردوودا ئەو نرخە هێندەی ئەمڕۆ بەرز نەبووەتەوە.

 

نرخی زێڕ لە بازاڕەكانی كوردستان بەمشێوەیەیە:

- زێڕی عەیار 18 به 399 هەزار دینارە

- زێڕی عەیار 21 به 465 هەزار دینارە

- زێڕی عەیار 24 به 532 هەزار دینارە