پزیشکیان: ڕاپۆرتی هەڵەی ئاژانسی نێودەوڵەتی وزەی ئەتۆم هۆکاری جەنگ بوو

ئاڤا نیوز

سەرۆککۆماری ئێران هێرش دەکاتە سەر سەرۆکی ئاژانسی نێودەوڵەتی وزەی ئەتۆم و بە هۆکاری هەڵگیرسانی جەنگ تۆمەتباری دەکات.

وێنە گەورەکە: دوای ئەوەی ئاژانسی نێودەوڵەتی وزەی ئەتۆم ڕاپۆرتێكی بڵاوکردەوە و هۆشداری بە وڵاتان دا لە نزیکی ئێران لە بەدەستهێنانی چەکی ئەتۆم، دوابەدوای ئەو ڕاپۆرتە جەنگی نێوان ئیسرائیل و ئێران دەستی پێکرد و ماوەی 12 ڕۆژ بەردەوام بوو.

لێدوانی فەرمی: مەسعود پزیشکیان، سەرۆککۆماری ئێران لە پەیوەندییەکی تەلەفۆنی لەگەڵ ژمارەیەک لە سەرۆکی وڵاتاندا ڕافائیل گروسی، سەرۆکی ئاژانسی نێودەوڵەتی وزەی ئەتۆمی بە چەواشەکاری تۆمەتبار کردووە و ڕایگەیاندووە، بەهۆی ڕاپۆرتی هەڵەی ئەوەوە جەنگ و پشێوی لە ڕۆژهەڵاتی ناوەڕاست دروست بوو لە کاتێکدا هەموو پێگە ئەتۆمییەکان لە ژێر چاودێڕی ڕاستەوخۆی ئاژانسەکە بووە و هیچ زانیارییەکی ڕاپۆرتەکە ڕاست نەبووە.

باکگراوند: جەنگی نێوان ئیسرائیل و ئێران بۆ ماوەی 12 ڕۆژ بەردەوام بوو، دەیان زانای ئەتۆمی و سەرکردەی سەربازی ئێرانی کوژران، لە کۆتایدا لە لایەن دۆناڵد ترەمپ، سەرۆکی ئەمریکاوە کۆتایی جەنگەکە ڕاگەیێنرا و ناوی لێنا " جەنگی 12 ڕۆژە ".