پێشبینی دەکرێت نرخی ئۆنسەیەک زێڕ بگاتە چوار هەزار دۆلار

ئاڤا نیوز

پێشبینی دەکرێت نرخی زێڕ زیاتر بەرز ببێتەوە و نرخی ئۆنسەیەک زێڕ بگاتە چوار هەزار دۆلار.

چیرۆکی سەرەکی: فشارەکانی ترەمپ بۆ دابەزاندنی ڕێژەی سوو، مەترسی دەستپێکردنەوەی جەنگی ئێران و ئیسرائیل، زیادبوونی خواستی جیهانی لەسەر زێڕ و لێدوانەکانی ترەمپ دەربارەی ئاگربەست لە غەززە، بوونەتە هۆی بەرز بوونەوەی نرخی زێڕ.

لێدوانی فەرمی: دانا وەرتی، گوتەبێژی سەندیکای زێڕەنگەرانی هەولێر بە ئاڤامیدیای گوت: پێشبینی دەکرێت تا کۆتایی ئەم مانگە نرخی هەر مسقاڵێک زێڕ 20 هەزار دینار بەرز بێتەوە، تا کۆتایی ئەمساڵێش نرخی هەر ئۆنسەیەک زێڕ بگاتە چوار هەزار دۆلار.

زانیاریی زیاتر: نرخی ئەمڕۆی زێڕ لە بازاڕەکانی هەرێمی کوردستان:

یەک ئۆنسەی زێڕ: سێ هەزار و 331 دۆلار.

یەک مسقاڵ زێڕی عەیار 22 : 692 هەزار دینار.

یەک مسقاڵ زێڕی عەیار 21 : 660 هەزار دینار.

یەک مسقاڵ زێڕی عەیار 18 : 565 هەزار دینار.