نەتانیاهۆ دوای کۆبوونەوە لەگەڵ ڕۆبیۆ: هاوپەیمانیمان بەهێز دەکەین

ئاڤا نیوز

دوای سەردانەکەی سەرۆکوەزیرانی ئیسرائیل بۆ ئەمریکا لەگەڵ هەریەکە وەزیری دەرەوەی ئەمریکا و نێردەی ترەمپ بۆ ڕۆژهەڵاتی ناوەڕاست کۆبووەوە.

وێنە گەورەکە: ڕۆژی دووشەممە 7-7-2025، بنیامین نەتانیاهۆ، سەرۆکوەزیرانی ئیسرائیل لەگەڵ ستیف ویتکۆف، نێردەی سەرۆکی ئەمریکا بۆ ڕۆژهەڵاتی ناوەڕاست و مارکۆ ڕۆبیۆ، وەزیری دەرەوەی ئەمریکا لە واشنتن دی سی کۆبووەوە.

بڵاوکراوەی فەرمی: بنیامین ناتانیاهۆ، سەرۆکوەزیرانی ئیسرائیل ڕایگەیاند:  گفتوگۆی جەوهەری و گرنگمان سەبارەت بە بەهێزکردنی هاوپەیمانی نێوان ئیسرائیل و ئەمەریکا و ئەو ئالنگارییە هاوبەشانەی لەسەر ئاستی ناوچەیی و نێودەوڵەتی ڕووبەڕوومان دەبنەوە کرد.

لەلایەکی دیکەوە: لە دوای هێرشە ئاسمانییەکانی ئیسرائیل بۆ سەر ئێران ئێستا بازنەی ئاشتی زۆر زیاتر لەوەی پێشتر خەیاڵیمان بۆ دەکرد فراوانتر دەبێت، داهاتوویەکی باش بۆ ئیسرائیل و تەواوی ڕۆژهەڵاتی ناوەڕاست بەدیدێت.