بەهۆی لافاو لە تێکساسی ئەمریکا 160 کەس بێسەروشوێن بوون

ئاڤا نیوز

 

حاکمی ویلایەتی تێکساس لە ئەمریکا ڕایگەیاند، بەهۆی لافاوە وێرانکەرەکەی ویلایەتەکەوە  زیاتر لە 160 کەس تاوەکو ئێستا بێسەروشوێن بوون.

 

وێنەگەورەکە: لە ڕۆژی هەینییەوە لافاوێکی بەهێز ویلایەتی تێکساسی ئەمریکای گرتووەتەوە، ئەمەش دوای باران بارینێکی بەخوڕ و بەرزبوونەوەی ئاستی ئاوی ڕووباری گوادالوپێ کە لە ماوەی تەنیا 45 خولەکدا نزیکەی هەشت مەتر بەرزبووەوە.

 

لێدوانی فەرمی: گرێگ ئابۆت، حاکمی ویلایەتی تێکساس ڕایگەیاند: بەهۆی لافاوەوە 161 کەس لە ویلایەتەکە بێسەروشوێن بوون و زیاتر لە 100 کەسی دیکەش گیانیان لەدەست داوە.

 

زانیاریی زیاتر: تاوەکو ئێستا تەرمی زیاتر لە 100 کەس دۆزراوەتەوە کە 28 یان منداڵن و تیمەکانی فریاگوزرای بەردەوامن لە گەڕان بەدوای ئەوانەی بێسەروشوێن بوون.