ئومێد خۆشناو: بە بڕیاری دادوەر 43 پاڵاوگەی نایاسایی داخراون

ئاڤا نیوز

 

هەوڵەکانی هەرێمی کوردستان بۆ پاکڕاگرتنی ژینگە بەردەوامە و لەم چوارچێوەیەشدا 85 پاڵاوگە لە سنووری هەولێر داخراون.

 

وێنە گەورەکە: ڕێوشوێنەکانی حکومەتی هەرێمی کوردستان بۆ پاککردنەوەی ژینگە و گرتنەبەری ڕێکارە یاساییەکان دژی پاڵاوگە نایاساییەکان و خاوەنەکانیان بەردەوامە، بە جۆرێک هەر پاڵاوگەیەک پابەندی ڕێنماییە ژینگەییەکان نەبێت، دادەخرێت و خاوەنەکانیشیان دەستگیر دەکرێن، پارێزگاری هەولێریش دوایین زانیاریی لەوبارەیەوە ئاشکرا دەکات.

 

لێدوانی فەرمی: ئومێد خۆشناو، پارێزگاری هەولێر بە فەرمانگەی میدیا و زانیاریی ڕاگەیاندووە: بە بڕیاری دادوەر 43 کەس لەسەر پاڵاوگەکان دەستگیر کراون و 85 پاڵاوگەش داخراون، هەروەها ڕێوشوێن و ڕێکارەکانی حکومەت لە بەرانبەر سەرپێچیکاران بەردەوامە.

 

ئومێد خۆشناو دەشڵێت: لە سنووری قەزای قوشتەپە شەش پاڵاوگە هەڵگیراون، پاڵاوگەیەک داخراوە و 15 پاڵاوگە دوای داخستنیان، لەلایەن لیژنەی ژینگەی هەولێر و پارێزگای هەولێر کراونەتەوە، کە بەپێی ڕێنمایی ژینگەی هەولێر کار دەکەن، لە درێژەی ڕێکارەکان دوو خاوەن پاڵاوگە دراونەتە دادگا و خاوەن پاڵاوگەیەک دەستگیر کراوە.