لە ئێران بەهۆی خوارنەوەی ساختەوە دەیان کەس دەگەیەنرێنە نەخۆشخانە

ئاڤا نیوز

بەهۆی خواردنەوەی کحولی ساختەوە لە ناوچەت دێزفولی ئێران، دەیان کەس تووشی ژەهراوییبوون دەبن و ڕەوانەی نەخۆشخانە دەکرێن. 

چیرۆکی سەرەکی: تەنها لەماوەی 24 کاتژمێری ڕابردوودا، 31 کەس بۆی خواردنەوەی جۆرێکی خواردنەوەی کحولی خراپ و ساختەوە تووشی ژەهراوی بوونێکی سەخت بوون و کەسێکیش گیانی لەدەستداوە. 

ڕاگەیێنراوی فەرمی: محەممەد شەفیعی نیا، بەڕێوەبەری نەخۆشخانەی دێزفول ڕایگەیاند: تاوەکو ئێستا 31 گەیێنراونەتە نەخۆشخانە و یەکێک لەوانە گیانی لەدەستداوە، هاوکات پێنج کەسی دیکەشیان تاوەکو ئێستا لە ژێر چاوەدێری چڕدا ماونەتەوە. 

پەیوەست بەم بابەتەوە: ئەمە یەکەمجار نییە کە خوارنەوە کحولییەکان لە ئێران دەبێتە هۆی تێکدانی تەندروستی هاووڵاتییانی ئەو وڵاتە، لە مانگی تشرینی یەکەمی 2023، 66 کەس بەهۆی ژەهراویبوون بە خواردنەوەی ساختە گیانیان لەدەستدا.