بە ئامادەبوونی سەرۆک بارزانی کۆبوونەوەی پارتی و یەکێتی دەستیپێکرد

ئاڤا نیوز

بە ئامادەبوونی سەرۆک بارزانی، کۆبوونەوەی هەردوو مەکتەبی سیاسیی پارتی دیموکراتی کوردستان و یەکێتیی نیشتمانی کوردستان لە پیرمام دەستیپێکرد، هەڵوەستە لەسەر کێشەی مووچە و یەک هەڵوێستی کورد لە بەغدا و پێکهێنانی کابینەی دەیەمی حکومەتی هەرێمی کوردستان دەکەن.

چیرۆکی سەرەکی: دوای نزیکەی دوو مانگ جارێکی دیکە پارتی و یەکێتی کۆدەبنەوە و کۆبوونەوەی ئەمجارە لەسەر ئاستی باڵایە، هەڵوەستە لەسەر دوایین پێشهاتەکان سەبارەت بە کێشەکانی نێوان هەولێر و بەغدا دەکەن، تەوەرێکی دیکەی کۆبوونەوەکە پەیوەستە بە گفتوگۆکردن لەسەر پێکهێنانی کابینەی نوێی حکومەت.

زانیاریی بەدەستهاتوو: کۆبوونەوەکە بە ئامادەبوونی سەرۆک بارزانی بەڕێوەدەچێت، شاندی پارتی پێکهاتوون لە نێچیرڤان بارزانی، مەسرور بارزانی، فازڵ میرانی، هۆشیار زێباری، مەحموود محەممەد و پشتیوان سادق.

لەلایەکی دیکەوە: شاندی یەکێتی بەسەرپەرشتی بافڵ تاڵەبانییە، پیکهاتوون لە قوباد تاڵەبانی، عیماد ئەحمەد، خەسرەو گوڵ محەممەد، دەرباز کۆسرەت، ئاسۆ مامەند، شێخ ئەحمەدی نۆکان، شاڵاو شێخ سەلاح و نزار ئامێدی.