نرخی زێڕ لە بازاڕەکانی کوردستان دادەبەزێت

ئاڤا نیوز


نرخی زێڕ لە بازاڕەکانی کوردستان ڕوو لە دابەزینەوە و ئەندامێکی سەندیکای زێڕەنگرانیش دەڵێت: کڕین و فرۆشتنی زێڕ بەشێوەی ئۆنڵاین کاریگەری لەسەر نرخەکەی دروست کردووە. 

لێدوانی فەرمی: سەفین وەرتی، ئەندامی سەندیکای زەڕەنگەرانی هەولێر بە ئاڤا میدیای ڕاگەیاند: بە بەراورد بە سەرلەبەیانی ئەمڕۆ دووشەممە، ئێستا نرخی زێڕ لە بازاڕەکاندا دابەزیووە، لە هەر ئونسەیەک زێڕ 20 دۆلار و لە مسقاڵێکیش پێنج هەزار دینار دابەزیووە.

کڕین و فرۆشتنی زێڕ بەشێوەیەکی ئۆنڵاین، قسەکانی دۆناڵد ترەمپ، هەواڵەکانی ڕۆژ بەردەوام کاریگەرییان لەسەر گۆڕانکاری لە نرخی زێڕ هەیە، پێشبینی دەکەم نرخی مسقاڵێک زێڕ تا 620 هەزار دینار داببەزێت.

زانیاریی زیاتر: ئێستا نرخی زێڕ لە بازاڕەکانی هەرێمی کوردستان بەم جۆرەیە.

یەک ئۆنسی زێڕ بە سێ هەزار و 355 دۆلارە

مسقاڵێک زێڕ عەیار 22 بە 687 هەزار دینارە

مسقاڵێک زێڕ عەیار 21 بە 655 هەزار دینارە

مسقاڵێک زێڕعەیار 18 بە 560 هەزار دینارە