ئیسرائیل بودجەی سەربازی خۆی زیاد دەکات

ئاڤا نیوز

ئیسرائیل بە مەبەستی جێبەجێکردنی پلانە سەربازییەکانی بودجەی سەربازی خۆی بە بڕی 12 ملیار دۆلار زیاد کردووە.

وێنە گەورەکە: بە مەبەستی جێبەجێکردنی پلانە سەربازییەکان و هێرشەکانی ئەم دواییەی ئیسرائیل بۆسەر ئێران و سووریا و چەند ناوچەیەک و بەمەبەستی چاککردن و توندوتۆڵکردنی پلانە سەربازییەکان بۆ ساڵی 2025 بۆ 2026، ئیسرائیل بودجەیەکی زیاتر بۆ مەبەستی سەربازی تەرخان دەکات.

ڕاگەیێنراوی فەرمی: حکومەتی ئیسرائیل ڕێککەوتنێکی نێوان وەزارەتەکانی دارایی و بەرگریی ڕاگەیاند، بۆ زیادکردنی 12 ملیار دۆلار بۆ بودجەی بەرگری لە ساڵانی 2025 و 2026. بەپێی وتەی کاربەدەستانی ئیسرائیل، ئەم زیادکردنە بۆ وەڵامدانەوەی هەر ئەگەرێکی ئاسایشی داهاتووە و ئامانج لێی بەرەوپێشبردنی پلانی بەرگری خێرایە، لە بەیاننامەیەکی هاوبەشدا هەردوو وەزارەت ڕایانگەیاند کە ئەم هۆکارە نوێیانە ڕێگە بە وەزارەتی بەرگری دەدات گرێبەستی خێرا و گرنگ بۆ کڕینی کەلوپەلی پێویست بۆ ئاسایشی نەتەوەیی تەواو بکات.

لەلایەکی دیکەوە: بەگوێرەی ڕاپۆرتی میدیاکانی ئیسرائیل، سوپا و دامەزراوەکانی بەرگری داوای زیادکردن و دابینکردنی پارەیان کردووە بۆ هەر شەڕێکی لە ناکاو کە ڕووبەروویان دەبێتەوە.