ئاگر لە نەخۆشخانەیەکی بەغدا دەکەوێتەوە

ئاڤا نیوز

بەپێی بڵاوکراوەی بەشێک لە میدیا عێراقییەکان، ئاگر لە بەشی ژنان و منداڵبوونی نەخۆشخانەی "ئیبن بەلەدی" لە بەغدا کەوتووەتەوە، هیچ زیانێکی گیانی نەبووە.

چیرۆکی سەرەکی: بەپێی وتەی شایەتحاڵانی نزیک لە ڕووداوەکە، هۆکاری ئاگرەکە هیتەرێکی کارەبایی بووە کە بە شێوەیەکی نادروست لەناو کۆگای بەشەکەدا کاریکردووە. ئەمەش بووەتە هۆی تەشەنەسەندنی خێرای ئاگرەکە لە قاوشی ژنان و منداڵبوون.
 

زانیاریی بەدەستهاتوو: بەگوێرەی گوتەی یەکێک لەو ژنانەی لە قاوشەکەدا بووە و ڕایگەیاندوو: "هەرچەندە دووکەڵی زۆر بڵاوبووبووەوە بەڵام زەنگی ئاگادارکردنەوە کاری نەکردووە، تەنها بە دەنگی ئێمە خەڵک و کارمەندان ئاگرەکەیان کۆنترۆڵکردووە.   

ئەوەی پێویستە بیزانیت: نەخۆشخانەی ئیبن بەلەدی، کە پێشتر ناوی "زەهراوی" بووە، دەکەوێتە بەغدای پایتەخت دیوی ڕەسافە و سەر بە فەرمانگەی تەندروستیی بەغدایە.