کامیرۆن دیاز لە تەمەنی 51 ساڵیدا پێشوازی لە دووەم منداڵی دەکات

ئاڤا نیوز

خانمە ئەکتەری ئەمریکی بەناوبانگ کامیرۆن دیاز هاتنەدنیای منداڵی دووەمی لەگەڵ بێنجی مادن ڕاگەیاند.

چیرۆکی سەرەکی: لە پۆستێکی هاوبەشدا لە هەژماری فەرمیی خۆیان لە تۆڕی کۆمەڵایەتیی ئینستاگرام، کامیرۆن دیاز و هاوژینەکەی دڵخۆشیی خۆیان ڕاگەیاندووە بە هاتنەدنیای کوڕە نوێیەکەیان کە بەنیازن ناوی بنێن (کاردیناڵ مادن).

زانیاریی زیاتر: لە پۆستەکەدا ئاماژەیان بەوە داوە کە هیچ وێنەیەکی منداڵەکەیان بڵاوناکەنەوە، ئەمەش لەبەر پاراستنی تایبەتمەندییەکانی، بەڵام دڵنیاییان داوە کە منداڵێکی تەندروستە.

ئەمەش بزانە: کامیرۆن دیازی تەمەن 51 ساڵ و بێنجی مادن لە ساڵی 2015 پرۆسەی هاوژینییان پێکهێناوە، دوای پێنج ساڵ و لە ساڵی 2020 دا بوونە خاوەنی یەکەم منداڵیان بە ناوی (ڕادێكس).