بەهای دۆلار ڕووی لە دابەزینی زیاتر کردووە

ئاڤا نیوز

بەهای دۆلار لە بازاڕەکانی هەرێمی کوردستان، زیاتر بەهای دابەزیوە و 100ی ئەمریکی بەرامبەر بە 139 هەزار و 750 دینار مامەڵەی پێوە دەکرێت. 

چیرۆکی سەرەکی: ماوەی چەند هەفتەیەکە بەهای دۆلاری ئەمریکی لە بازاڕەکانی هەرێمی کوردستان ناجێگیرە و ڕووی لە دابەزینکردووە بەرامبەر بە دیناری عێراقی.

لێدوانی فەرمی: کەیفی خۆشناو، وتەبێژی ئەنجوومەنی بازاڕی ئاڵوگۆڕی دراو هەولێر بە ئاڤای ڕاگەیاند: بەهۆی ناجێگیری نرخی دراوە، ئێستا بەهای 100 دۆلاری ئەمریکی بەرامبەر بە 139 هەزار و 750 دینارە.

هۆکاری دابەزینی بەهای دۆلار دەگەڕێتەوە بۆ کەمبوونەوەی خواست لەسەر ئەو دراوە. 

پێشبینی دەکرێت بەهای دۆلار زیاتر دابەزین تۆمار بکات و ئەگەری هەیە بەهای 100 دۆلار نزیک ببێتەوە لە 135 هەزار دینار.