وەزارەتی دارایی: مووچەی فەرمانبەرانی کوردستان لەگەڵ عێراق هاوتا دەکرێت

ئاڤا نیوز

بەمەبەستی هاوتاکردنی مووچەی مووخۆرانی هەرێمی کوردستان لەگەڵ مووچەخۆرانی حکومەتی عێراق پرۆسەی پلەبەرزکردنەوەی فەرمانبەران دەستیپێکردووە.

 

چی ڕوودەدات؟ بۆ تاوتوێکردنی پرسی بەئەلیکترۆنیکردنی مووچە و پرۆژەی 'هەژماری من' شاندێکی هەرێمی کوردستان چووەتە بەغدا و لەگەڵ بەرپرسانی بانکی ناوەندیی عێراق گفتوگۆ دەکەن؛ ئامانجی سەرەکیش یەکلاکردنەوەی پرسی بەئەلیکترۆنیکردنی مووچەی مووچەخۆرانە.

 

لێدوانی فەرمی: محەممەد عەبدولقادر، بەڕێوەبەری گشتیی ژمێرکاری لە وەزارەتی دارایی و ئابووری هەرێمی کوردستان بە ئاڤا نیوزی گوت: "کێشەی دابەشنەکردنی مووچە لە ئامادەکردنی لیستی مووچەدا نییە، دەتوانین لیستی مووچەی مانگی ئاداریش ئامادە بکەین".

 

زانیاریی زیاتر: وەزارەت و دەستەکان دەستیان بە ئامادەکردنی لیستی پلەبەرزکردنەوەی فەرمانبەران کردووە و لەگەڵ لیستی مووچەی مانگی سێ بۆ بەغدا دەنێردرێت، محەممەد عەبدولقادر دەڵێت بەمەبەستی هاوتاکردنی مووچەکانیانە لەگەڵ فەرمانبەرانی عێراق.