نرخی زێڕ بەردەوامە لە دابەزین

ئاڤا نیوز

 

ئەمڕۆ شەممە جارێکی دیکە نرخی زێر ڕووی لە دابەزین کرد و نرخی یەک مسقاڵ زێڕی عەیار 21 گەیشتە 652 هەزار دینار.

 

وێنە گەورەکە: لە هەفتەی ڕابردووەوە لە هەرێمی کوردستان نرخی زێڕ ناجێگیرە و بەرزبوونەوە و نزم بوونەوەی بەردەوامی بەخۆیەوە بینیوە، جیاوازی نزمترین و بەرزترین نرخی زێڕ لە ماوەی هەفتەیەکدا 18 هەزار دینار بوو، ئەمڕۆش جارێکی دیکە نرخەکەی دابەزی.

 

لێدوای فەرمی: هەندرێن وەرتی، سەرۆکی سەندیکای زێڕەنگەرانی هەولێر بە ئاڤا میدیای گوت،  ئەمڕۆ نرخی زێڕ جارێکی دیکە ڕووی لە دابەزین کردەوە و نرخی مسقاڵێک زێڕی عەیار 21 گەیشتە ئاستی 652 هەزار دینار.

 

زانیاری زیاتر: ئەمڕۆ شەممە، 26/7/2025، نرخی زێر لە بازاڕەکانی هەرێمی کوردستان بەم شێوەیە مامەڵەی پێوەدەکرێت:

یەک ئۆنسە زێڕ: سێ هەزار و 337 دۆلار.
یەک مسقاڵ زێڕی عەیار 22: 683 هەزار دینار.
یەک مسقاڵ زێڕی عەیار 21: 652 هەزار دینار.
یەک مسقاڵ زێڕی عەیار 18: 558 هەزار دینار.

ئەمەش بزانە: لە مانگی چوار ئەمساڵ نرخی زێڕ گەیشتە بەرزترین ئاست لە بازاڕەکانی جیهان و ئۆنسەیەک زێڕ گەیشتە ئاستی سێ هەزار و 500 دۆلار.