لە ژاپۆن هۆشداری بە نزیکەی دوو ملیۆن کەس دەدرێت؛ ناوچەکە چۆڵ بکەن

ئاڤا نیوز

بەهۆی ئەو بوومەلەزە و تسونامییەکە کە بەرەبەیانی ئەمڕۆ لە کەنارە ئاوییەکانی ڕووسیا و ژاپۆن ڕوویان دا، هۆشداری بە نزیکەی دوو ملیۆن کەس لە ژاپۆن دەدرێت کە ناوچەکانیان چۆڵ بکەن.

چیرۆکی سەرەکی: بەرەبەیانی ئەمڕۆ چوارشەممە 30-7-2025، شەپۆلی تسونامی بوومەلەرزەیی بە گوڕی 8.8 پلە هەندێک ناوچەی کەناراوی زەریای هێمن کە بەشێك  لە نیمچە دوورگەی کامچاتکای ڕووسیای گرتەوە.

مەترسییە پێشبینیکراوەکان: پاسەوانی کەناراوەکانی ئەمریکا ئاشکرای دەکات، هەر کەشتییەک لە نزیک هاوای بێت، دەبێت لە کەناراوەکان دووربکەوێتەوە تاوەکو شەپۆلەکانی تسونامی تێدەپەڕن، هاوکات و هەموو بەندەرەکان بەڕووی هاتنی کەشتیی نوێدا داخراون.

زانیاریی زیاتر: بەهۆی ئەم مەترسییەوە نزیکەی دوو ملیۆن کەس لە ژاپۆن داوایان لێکراوە شوێنەکانیان چۆڵ بکەن، دەسەڵاتدارانیش بە دانیشتووانی کەناری ڕۆژهەڵاتی ژاپۆن دەڵێن بەرەو شوێنی بەرز بچن بۆ ئەوەی بەسەلامەتی بمێننەوە.

پەیوەست بەم بابەتە: ناوەندی هۆشداری تسونامی چین دوای بوومەلەرزەکەی ڕووسیا ڕایگەیاند، پێشبینی دەکرێت شەپۆلەکانی نێوان 30 سانتیمەتر بۆ یەک مەتر بەشێک لە کەنارەکانی ڕۆژهەڵاتی دەریا بگرێتە.