کۆمیسیۆن کامێرای چاودێری لە بنکەکانی دەنگدان دادەنێت

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق، ڕێکارێکی نوێی بۆ هەڵبژاردنی پەرلەمانی عێراق ڕاگەیاند، ئەویش دانانی کامێرای چاودێرییە لە بنکەکانی دەنگدان.

 

وێنە گەورەکە: بڕیارە 11 تشرینی دووەمی ئەمساڵ هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، کۆمیسیۆنی باڵای سەربەخۆی هەڵبژاردنەکانیش بەردەوامە لە ڕێکارەکانی بۆ بەڕێوەبردنی پرۆسەکە.

 

لێدوانی فەرمی: عیماد جەمیل، سەرۆكی تیمی میدیایی كۆمیسیۆنی باڵای سەربەخۆی هەڵبژاردنەكانی عێراق ڕایگەیاند، لە سەرجەم وێستگەکانی دەنگدان کامێرای چاودێری دادەنرێت و پرۆسەکە بە دەنگ و وێنە تۆمار دەکرێت.

 

ئەوەی پێویستە بیزانیت: دەنگدان تەنیا لەڕێگەی کارتی بایۆمەترییەوە دەبێت و تەواوی پرۆسەکە پشت بە کارتی بایۆمەتریی نوێ دەبەستێت.