ئەنجوومەنی وەزیران چوار تەوەر تاوتوێ دەکات و بڕیارە گرنگەکە دەدرێت

ئاڤا نیوز

ئەنجوومەنی وەزیران چوار تەوەر تاوتوێ دەکات و بڕیارە گرنگەکە لەلایەن سەرۆکوەزیران بارزانییەوە لە بەرژەوەندیی خەڵک دەدرێت.

وێنە گەورەکە: ئەمڕۆ چوارشەممە ئەنجوومەنی وەزیرانی هەرێمی کوردستان به‌ سه‌رۆكایه‌تیی مەسرور بارزانی لەبارەی چەند پرسێک كۆدەبێـتەوە.

زانیاریی تایبەت: تەوەرەکان بریتین لە:

- دوایین پێشهاتەکان لەبارەی پرسی مووچە و دابەشکردنی.

 - تاوتوێکردنی بڕیار و ڕێنماییەكانی بانكی ناوەندی لەبارەی ڕاكێشانی دۆلار بە کاش.

- یاسای چاکسازی و وەرگرتنەوەی قەرزە بازرگانییەکان لەلایەن وەزارەتی دارایی و ئابووری.

- تاوتوێکردنی نووسراوی پەرلەمانی كوردستان لەبارەی خانەنشینی.

باکگراوند: دوێنێ ئێوارە سەرۆکوەزیران بارزانی لە گوتارێکدا لەبارەی پرسی مووچە و چارەسەرکردنی کێشەکان لەگەڵ بەغدا ڕایگەیاند، لە کۆبوونەوەی ئەمڕۆدا بڕیارێک لە بەرژەوەندیی خەڵک دەدەن.