دژەتیرۆر لەبارەی دەنگی تەقینەوەیەک لە هەولێر ڕوونکردنەوە دەدات

ئاڤا نیوز

ئێوارەی ئەمڕۆ دەنگی تەقینەوەیەک لە نزیک فڕۆکەخانەی نێودەوڵەتیی هەولێر بیسترا و دژە تیرۆری کوردستانیش دەڵێت: چالاکی ئەمنی و سەربازیی بووە. 

چیرۆکی سەرەکی: کاتژمێر 18:45 ئێوارەی ئەمڕۆ دووشەممە، لە ژمارەیەک پەیج و ئەکاوتنی سۆشیاڵ میدیا وا بڵاوکرایەوە کە دەنگی تەقینەوەیەکی گەورە لە فڕۆکەخانەی هەولێر بیستراوە. 

ڕاگەیێنراوی فەرمی: دژەتیرۆری کوردستان لەوبارەیەوە ڕایگەیاند: هەموو لایەک دڵنیا دەکەینەوە، دەنگی ئەو تەقینەوەی کە ئێوارەی ئەمڕۆ لە فڕۆکەخانەی هەولێر بیستراوە، مەشق و ڕاهێنانی سەربازی و چالاکیی ئەمنیی بووە و هیچ جێگەی مەترسی نییە.