لە هەڵەبجە پردێک بە گوژمەی 26 ملیار دینار دروست دەكرێت

ئاڤا نیوز

كارەكانی دروستكردنی پردی 'تەنگی سەید محەممەد' لە پارێزگای هەڵەبجە، دەچێتە بواری جێبەجێكردنەوە كە بە تەواوبوونی؛ پارێزگای هەڵەبجە بە ئیدارەی سەربەخۆی گەرمیان و پارێزگاكانی ناوەڕاستی عێراق دەبەستێتەوە.

وێنە گەورەكە: لە بەردەوامی هەوڵەكانی حکومەتی هەرێمی کوردستان، بۆ ئاوەدانکردنەوەی ناوچە جیاوازەکانی کوردستان و گەیاندنی زۆرترین خزمەتگوزاری بە هاووڵاتییان، پردی تەنگی سەید محەممەد لە پارێزگای هەڵەبجە، بە تێچووی 26 ملیار دینار دروست دەکرێت.

پردەكە درێژییەکەی 650 مەترە، بەرزیی لە ئاستی ئاوی ڕووبارەکە چوار مەترە و پانییەکەشی 14 مەترە.

بۆچی گرنگە: ڕێگای مەرزی پشتە نزیک دەکاتەوە و ئاسانکاری بۆ هاتووچۆی شۆفێران دەکات. پرۆژەکە جگە لە سوودی گەشتیاری، سیمایەکی جوانتر بە ناوچەکە دەبەخشێت و زیاتر لە 20 گوند سوود لە پردەکە دەبینن.