سەرۆکوەزیران واژۆی لەسەر دامەزراندنی 775 دەرچووی بەشە پزیشکییەکان کرد

ئاڤا نیوز

بە فەرمانی سەرۆکوەزیران مەسرور بارزانی، 775 دەرچووی بەشە پزیشکییەکانی زانکۆکانی کوردستان دادەمەزرێن، مووچەکانیان لەسەر داهاتی ناوخۆ دەبێت.

چیرۆکی سەرەکی: ڕۆژی  18-06-2025، بەسەرپەرشتی سەرۆکوەزیران مەسرور بارزانی، ئەنجوومەنی وەزیرانی هەرێمی کوردستان کۆبووەوە، وەزیری تەندروستی پێشنیازی دامەزراندنی دەرچووانی بەشە پزیشکییەکانی خستەڕوو، سەرۆکوەزیران مەسرور بارزانی لەو کۆبوونەوەیە دا فەرمانەکەی پەسەندکرد.

زانیاریی بەدەستهاتوو: بە فەرمانی سەرۆکوەزیران مەسرور بارزانی، 775 دەرچووی بەشە پزیشکییەکانی زانکۆکانی کوردستان دادەمەزرێن، کە دەرچووانی زانکۆکانی هەولێر، سلێمانی، دهۆک، زاخۆ، کۆیە، گەرمیان و زانکۆی کوردستان دەگرێتەوە.

زانیاریی زیاتر: ئەو بڕیارە دەرچووانی ساڵی 2023-2024 دەگرێتەوە و لەسەر میلاکی وەزارەتی تەندروستیی دەبێت، مووچەیان لەسەر داهاتی ناوخۆ بۆ دابین دەکرێت.