موڕات کوڕوم: لە خزمەتکردنی ئیستەنبووڵ بەردەوام دەبین

ئاڤا نیوز

 

بەربژێری ئاکپارتی بۆ پۆستی گەورە شارەوانیی ئیستەنبووڵ، سوپاسی متمانەی ئەردۆ‌غانی کرد و ڕایگەیاند، لە خزمەتکردنی ئیستەنبووڵ بەردەوام دەبێت.

 

بۆچی گرنگە؟ ئەم گوتارەی کوڕوم لە دوای گوتارەکەی ئەردۆغان، دووپاتکردنەوەی هەڵوێستی ئاکپارتییە لەو ئەنجامە بەراییانەی بڵاوکراونەتەوە.

 

لێدوانی فەرمی: موراد کوڕوم، بەربژێری ئاکپارتی بۆ پۆستی گەورە شارەوانیی ئیستەنبووڵ گوتی: "ڕێز لە ئەنجامی هەڵبژاردنەکان و دەنگی گەل دەگرین، لە بەیانییەوە وەک پێشووتر لە شەقامەکان دەبین، باشتر ئامادەکاری دەکەین و بەردەوام دەبین لە کارکردن".

 

ئەوەی پێویستە بیزانیت: بەپێی ئەنجامە بەراییەکان ئەکرەم ئیمام ئۆغڵوی جەهەپە رێژەی 50%ـی دەنگی دەنگدەرانی ئیستەنبووڵی بەدەستهێناوە، بەمەش دووبارە ئاکپارتی شارەوانیی ئیستەنبووڵی "دڵی تورکیا" بە جەهەپە دەدۆڕێنێت.