لەسەر بەرنامەیەکی ئاڤا ڕێکاری یاسایی بەرامبەر سەنتەر و ڕێستورانتەکانی کیتۆ دەگیرێتەبەر

ئاڤا نیوز

وەزارەتی تەندروستیی حکومەتی هەرێمی کوردستان لەسەر بەرنامەی "مۆری ئاڤا" ڕێکاری یاسایی بەرامبەر سەنتەر و ڕێستورانتەکانی تایبەت بە کیتۆ دەگرێتەبەر و وەزارەتەکە دەڵێت: کیتۆ بەبێ ڕەچاوکردنی ڕێنماییەکانی پزیشکی پسپۆڕ، کارێکی زۆر مەترسیدارە.

وێنە گەورەکە: چەند ساڵێکە لە هەرێمی کوردستان بەشێک لە خەڵک کیتۆ  وەک ڕێجیمێک بۆ دابەزاندنی کێش و تەندروستی پەیڕەو دەکەن، پڕۆسەکە قسەی جیاوازی لەبارەوە دەکرێت و هەندێک دەڵێن لەگەڵ ئەوەی کیتۆ کێش دادەبەزێنێت، کۆنترۆڵی زۆرێک لە نەخۆشییەکانیش دەکات. هەندێکی دیکەش پێیانوایە لەگەڵ ئەوەی بەخێرایی کێش دادەبەزێنێت، بەڵام کاتێ واز لە کیتۆ دەهێنرێت، بەخێرایی کێش زیاد دەبێتەوە.

چیرۆکی سەرەکی: بەرنامەی مۆری ئاڤا، دیبەیتێکی تایبەتی لەسەر ئەو پرسە، بە میوانداری هەریەک لە د. مەزن جەمیلە، پزیشکی گشتی و شارەزا لە بواری خۆراک و د.هێڤار عاسی، بەکالۆریۆس لە نەشتەرگەری گشتیی هەناو، ساز کرد، هەر یەکەیان لە ڕوانگەی خۆیەوە باسی کیتۆ و یارییەکانی تایبەت بە کێش دابەزاندن و لەشجوانی دەکرد.

لێدوانی فەرمی: د. مەزن جەمیلە، پزیشکی گشتی و شارەزا لە بواری خۆراک ڕایگەیاند: لە 99% کۆمەڵگە بۆی هەیە کیتۆ بکات، بە ڕەچاوکردنی ڕینماییەکانی کیتۆ کێش دادەبەزێت و کۆنترۆڵی زۆرێک لە نەخۆشییەکان دەکات.

بۆچوونی لایەنی بەرامبەر: د. سەرکار سوورچی، وتەبێژی وەزارەتی تەندروستی لەڕێگەی پەیوەندیی تەلەفۆنییەوە بەشداریی بەرنامەکەی کرد و گوتی: وەک وەزارەتی تەندروستی ڕێکاری یاسایی بەرامبەر هەر کەسێک دەگرینەبەر کە بەبێ ڕێنمایی پزیشکی هانی خەڵک بدات کیتۆ بکەن، هەروەها لە 99%ـی کۆمەڵگە ناتوانێت کیتۆ بکات، ئەمە نەک هەر قسەیەکی زانستی نییە، بەڵکو زۆر مەترسیدارە و داوا لە سەنتەر و ڕێستورانتەکانی کیتۆ دەکەین بە هەڵوێستەکانیاندا بچنەوە.

زانیاریی زیاتر: بە گوتەی د. سەرکار، ئەو کەسانەی دەیانەوێت کیتۆ بکەن، دەبێت لەژێر ڕێنمایی پزیشکی پسپۆڕ کار بکەن و بڕۆنە نێو پڕۆسەکەوە، ئەو کەسانەشی هانی خەڵک دەدەن کیتۆ بکەن، پێویستە ڕێنماییە پزیشکییەکان پەیڕەو بکەن، چونکە ڕێکاریی یاساییان بەرامبەر دەگرینەبەر.