بڕیارێک لە بەرژەوەندیی تووشبووانی نەخۆشییە گوازراوەکان دەدرێت

ئاڤا نیوز

پێشتر هەر کەسێک نەخۆشی گوازراوەی هەبووایە، لە کەرتی تایبەت پارەی نەشتەرگەری 10% زیاتری لێ وەردەگیرا، ئێستا وەزارەتی تەندروستی بە بڕیارێک ئەو زیادەیەی لابرد.

وێنە گەورەكە: پێشووتر لە نەخۆشخانە تایبەتەكان پێش ئەنجامدانی نەشتەرگەری پشکنینی ڤایرۆسی (HIV) و (Hepatitis) بۆ نەخۆش دەكرا، ئەگەر ئەنجامەکەی پۆزەتیف با، ئەوا نرخی نەشتەرگەرییەكە زیاد دەكرا، بەڵام وەزارەتی تەندروستی بە بڕیارێك كۆتایی بەمە هێنا.

بڵاوكراوەی فەرمی:  بەپێی نووسراوێكی وەزارەتی تەندروستیی حكومەتی هەرێمی كوردستان كە ئاراستەی سەرجەم نەخۆشخانە و  سەنتەرەكانی كەرتی تایبەتی كردووە لە هەرێمی كوردستان، لەمەودوا نابێت ئەو بڕە پارە زیادەیە لە هەڵگرانی ئەو دوو جۆر ڤایرۆسە وەربگیرێت.

لێدوانی فەرمی: د. کاوە خەلین، بەڕێوەبەری گشتیی کاروباری تەندروستی لە وەزارەتی تەندروستی حکومەتی هەرێمی کوردستان، بە ئاڤا میدیای ڕاگەیاند:  بڕیارەکە لەبەر خراپی ڕەوشی دارایی و لە پێناو بەرژەوەندیی هاووڵاتیان دراوە.