شێخ دارا: پلەکانی گەرما بەردەوام دەبن لە دابەزین

ئاڤا نیوز

بەپێی پێشبینییەکانی کەشوهەوا، پلەکانی گەرما بەهۆی شەپۆلی جەمسەری باکوورەوە بەردەوام دەبن لە دابەزین کە کاریگەری بەسەر هەرێمی کوردستانیشەوە هەیە.

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند، بەهۆی کاریگەریی شەپۆلی جەمسەری باکوورەوە، پلەکانی گەرما گۆڕانکاری زۆری بەسەردا هاتووە و بەردەوام دادەبەزن، ئەمەش کاریگەریی لەسەر کەشوهەوای هەرێمی کوردستان هەیە.

شێخ دارا ئاماژە بەوە دەکات، بەیانی یەکەم ڕۆژی وەرزی پایزە و ئەمساڵ لە جەمسەری باکوور پایز 88 ڕۆژ و 23 کاتژمێر و 41 خولەک دەخایەنێت، بەڵام لە جەمسەری باشوور وەرزی پایز 91 دەخایەنێت.

زانیاریی زیاتر: بەگوتەی شێخ دارا، ساڵی داهاتوو ماوەکە بە پێچەوانەوە دەبێت، واتە پایز لە جەمسەری باکوور 92 ڕۆژ دەبێت و لە جەمسەری باشوور 89 ڕۆژ.

ئەوە پێویستە بیزانت: پلەکانی گەرمای شار و شارۆچکەکانی هەرێمی کوردستان بەم شێوەیەیە:

- هەولێر: بەرزترین 32 و نزمترین 18 پلە

- سلێمانی: بەرزترین 29 و نزمترین 19 پلە

- کەرکووک: بەرزترین 32 و نزمترین 21 پلە

- دهۆک: بەرزترین 26 و نزمترین 13 پلە

- هەڵەبجە: بەرزترین 30 و نزمترین 16 پلە

- زاخۆ: بەرزترین 30 و نزمترین 17 پلە

- سۆران: بەرزترین 27 و نزمترین 13 پلە

- ڕاپەڕین: بەرزترین 28 و نزمترین 17 پلە

- گەرمیان: بەرزترین 33 و نزمترین 19 پلە

- حاجی ئۆمەران: بەرزترین 19 و نزمترین 7 پلە

- ئاکرێ: بەرزترین 22 و نزمترین 11 پلە

- پێنجوێن: بەرزترین 23 و نزمترین 10 پلە