ڕاگەیێنراوێکی خێرا لە وەزارەتی سامانە سرووشتییەکانی کوردستانەوە لەبارەی هەناردەکردنەوەی نەوت

ئاڤا نیوز

وەزارەتی سامانە سرووشتییەکانی هەرێمی  کوردستان دەڵێت، تەواوی پابەندییەکانی خۆی بۆ هەناردەکردنەوەی نەوتی هەرێمی کوردستان لەگەڵ وەزارەتی نەوتی فیدراڵ جێبەجێ کردووە و، واژۆی بە سەرجەم کۆمپانیا ناوخۆ و بیانییەکان کردووە، جگە لە یەک کۆمپانیای بیانی ئەمەش کاریگەری لەسەر ڕێککەوتنەکە نابێت.

 

چیرۆکی سەرەکی: ڕۆژی دووشەممە 22-09-2025، كۆبوونەوەی سێقۆڵی نێوان شاندی كۆمپانیای نەوتی باكوور و بەرپرسانی هەولێر و بەغدا بەڕێوەچوو و ڕێككەوتن لەبارەی هەناردەکردنەوەی نەوتی کوردستان واژۆ کرا. 

 

ڕاگەیێنراوی فەرمی: وەزارەتی سامانە سرووشتییەکانی حکومەتی هەرێمی کوردستان لە ڕاگەیێنراوێکدا ئاماژە بەوەدەدات، "سەرجەم کۆمپانیا ناوخۆ و بیانییەکان  واژۆیان لەسەر ڕێککەوتنەکە کردووە، جگە لە یەک کۆمپانیای بیانی تاوەكو ئێستا ئەو ڕێککەوتنەی واژوو نەکردووە کە کاریگەری نییە لەسەر ڕێکەوتنە سێ قۆڵییەکە."

زانیاریی زیاتر: جەختی لەوەش دەکەنەوە، وەزارەتی سامانە سرووشتییەکان چاوەڕێی وەزارەتی نەوتی فیدراڵ دەکات بۆ واژۆکردنی ڕێککەوتنەکە وەڵام بداتەوە، تاوەکو بە زووترین کات کۆمپانیای سۆمۆ دەست بە هەناردەکردنی نەوتی هەرێم بکات و بڕگەکانی ڕێکەوتنەکە جێبەجێ بکات.