ترەمپ: دەرفەت بۆ گەیشتن بە ڕێککەوتن لە غەززە هەیە

ئاڤا نیوز

 

دۆناڵد ترەمپ سەرۆکی ئەمریکا ئاشکرای دەکات، ئەگەرێکی زۆر بۆ گەیشتن بە ڕێککەوتن بۆ کۆتاییهێنان بە شەڕی کەرتی غەززە هەیە.

 

چیرۆکی سەرەکی: شەڕی غەززە لە دووەم ساڵی نزیک دەبێتەوە و هەوڵەکان بۆ ڕاگرتنی شەڕەکە چڕتربوونەوەتەوە بەڵام تائێستا لایەنە شەڕکەرەکان و نێوەندگیرەکان لەسەر نەخشەڕێگایەکی هاوبەش بۆ کۆتاییهێنان و ڕاگەیاندنی ئاگربەستی هەمیشەیی نەگەیشتوونەتە ڕێککەوتن.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، پێم وایە لەبارەی ئاگربەستی غەززەوە ڕێککەوتووین، ماوەی چوار ڕۆژە دانوستانە چڕەکان بەردەوامن، تا ئەو کاتەی کە پێویست بێت بەردەوام دەبین بۆ گەیشتن بە ڕێککەوتنێکی سەرکەوتوو و هەمەلایەنە لەسەر غەززە..

 

ترەمپ گوتیشی، ڕێککەوتنەکە دەبێت کۆتایی بە شەڕ و ئازادکردنی سەرجەم بارمتەکان لەخۆبگرێت، هاوکات گفتوگۆکان زۆر جددین و هەموو وڵاتانی ناوچەکە سەرقاڵی دانوستانەکانن.

 

زانیاریی زیاتر: ئیدارەی ترەمپ پلانی ئاشتی لە 21 خاڵدا بۆ کۆتاییهێنان بە جەنگی غەززە خستووەتە بەردەم سەرکردەکانی عەرەب و چاوەڕوان دەکرێت پلانەکە لەلایەن قەتەرەوە بگەیەنرێتە سەرکردایەتیی حەماس.