ئەمینداری حیزبوڵڵای لوبنان: نە دەستبەرداری چەک دەبین و نە دەستبەرداری شەڕ

ئاڤا نیوز

لە یەکەم ساڵیادی کوژرانی حەسەن نەسڕوڵڵادا، ئەمینداری ئێستای گشتیی حیزبوڵڵای لوبنان دووپاتی کردەوە کە حیزبوڵڵای لوبنان دەستبەرداری مەیدانی شەڕ و چەکەکەی نابێت.

چیرۆکی سەرەکی: ئەمڕۆ 27ـی ئەیلوول، یەکەم ساڵیادی کوژرانی حەسەن نەسروڵڵا، ئەمینداری پێشووتری حیزبوڵڵای لوبنانە کە بە بۆردوومانی ئیسرائیل لە بەیرووت کوژرا، نەعیم قاسم، ئەمینداری ئێستا بەو بۆنەیەوە گوتارێکی ڤیدیۆیی تۆمارکراوی بڵاوکردەوە.

بڵاوکراوەی فەرمی: نەعیم قاسم، ئەمینداری گشتی حیزبوڵڵای لوبنان ڕایگەیاند: ئێمە ڕێگە بە داماڵینی چەک نادەین و بە تووندی ڕووبەڕووی پرۆسەکە دەبینەوە هاوکات ڕووبەڕووی هەر پڕۆژەیەک دەبینەوە کە خزمەت بە ئیسرائیل بکات.

زانیاریی زیاتر: بەهۆی گوشارەکانی ئەمریکا و ترسی هێرشی ئیسرائیل، حکومەتی لوبنان وادەیەکی دیاریکرد لە سەرەتای مانگی ئابی 2025 بۆ جێبەجێکردنی پلانی داماڵینی چەک لە حیزبوڵڵا و ئەرکەکەی خستووەتە ئەستۆی سوپا.