شاسوار عەبدولواحید لەسەر کەیسێکی دیکە دەبرێتە دادگا

ئاڤا نیوز

جارێکی دیکە شاسوار عەبدولواحید دەبرێتە دادگا و ئاڤا میدیا زانیویەتی لەسەر خراپ بەکارهێنانی ئامێرەکانی پەیوەندی لێکۆڵینەوەی لەگەڵدا دەکرێت. 

وێنە گەورەکە: شاسوار عەبدولواحید، سەرۆکی جوڵانەوەی نەوەی نوێ کە خاوەندارێتیی هەردوو کۆمپانیای نالیا و چاڤی دەکات، لە سەرەتای دامەزراندنی کۆمپانیاکانی قەرزێکی زۆری بەناوی وەبەرهێنان لە حکومەتی هەرێمی کوردستان وەرگرت، بڕی قەرزەکان گەیشتە بڕی 92 ملیار دینار، وەزارەتی دارایی و ئابووریی کوردستان بڕیاری دا 60 موڵکی شاسوار عەبدولواحید بخاتە زیادکردنی ئاشکراوە و بیانفرۆشێت.

زانیاریی بەدەستهاتوو: ئاڤا میدیا زانیویەتی کە ئەمڕۆ یەکشەممە 28-9-2025، شاسوار عەبدولواحید، لەسەر داوای ئاسایشی سلێمانی بانگهێشتی دادگای لێکۆڵینەوەی سلێمانی کراوە، هۆکاری بانگهێشتکردنەکە بۆ خراپ بەکارهێنانی ئامێرەکانی پەیوەندیکردن دەگەڕێتەوە، هاوکات پارێزەرانی شاسوار عەبدولواحید ئاگاداری کەیسەکە و بانگهێشتکردنین.

زانیاریی زیاتر: ئاڤا میدیا زانیویەتی بانگهێشتکردنی شاسوار عەبدولواحید، پەیوەندیی بە کەیسەکەی شادی نەوزاد، ئەندامی پێشووی پەرلەمانی کوردستانەوە نییە، بەڵکو سکاڵایەکی دیکەی لەسەر تۆمار کراوە، "ئەگەر کەیسەکەش یەکلایی ببێتەوە و بەڵگەکان بخرێنەڕوو، ئەوا شاسوار عەبدولواحید لەلایەن دادگاوە سزا دەدرێت".