زانکۆلاین بۆ ماوەی 48 کاتژمێر درێژ دەکرێتەوە

ئاڤا نیوز

 

وەزارەتی خوێندنی باڵا و توێژینەوەی زانستی هەرێمی کوردستان، بۆ پێدانی دەرفەتی زیاتر بە دەرچووانی پۆلی 12ی ئامادەیی ماوەی زانکۆلاین بۆ 48 کاتژمێری دیکە درێژ دەکاتەوە. تاوەکو ئێستا نزیکەی 8172 هەزار قوتابی فۆرمی زانکۆلاینیان پڕنەکردووەتەوە یان تەواویان نەکردووە.

 

ڕاگەیێنراوی فەرمی: ڕۆژی 30-9-2025، وەزارەتی خوێندنی باڵا و توێژینەوەی زانستی حکومەتی هەرێمی کوردستان ڕایگەیاند: ماوەی 48 کاتژمێر بۆ پڕکردنەوەی فۆرمی زانکۆلاین درێژکرایەوە، واتە ماوەکە تاوەکو کاتژمێر 12:00ی شەوی پێنجشەممە 2-10-2025 دەبێت.

 

هۆکارە زانراوەکان: بەگوێرەی ڕاگەیێنراوەکە، ئامانج لە درێژکردنەوەی ماوەی زانکۆلاین، بۆ پێدانی دەرفەتی زیاترە بە دەرچووانی پۆلی 12ی ئامادەیی و خوێندنگە نێودەوڵەتییەکان و پیشەییەکان، بەتایبەت ئەوانەی تاوەکو ئێستا فۆرمی زانکۆلاینیان پڕنەکردووەتەوە یان تەواویان نەکردووە.

 

زانیاریی زیاتر: لە کۆی  57980 هەزار تاوەکو ئێستا 49 هەزار و 808 دەرچووی پۆلی دوازدەی ئامادەیی داواکارییان بۆ زانکۆلاین پڕکردووەتەوە.

 

ئەوەی پێویستە بیزانیت: وەزارەتی خوێندنی باڵا و توێژینەوەی زانستی دوای ئەم 48 کاتژمێرە، جارێکی دیکە وادەی پڕکردنەوەی فۆرمی زانکۆلاین درێژ ناکاتەوە.