ڕێناس وریا "ڕۆژی جەژن" نوێ دەكاتەوە

ئاڤا نیوز

خانمە هونەرمەند ڕێناس وریا، یەكەمین ڕۆژی جەژنی ڕەمەزان بەرهەمێكی نوێ بڵاودەكاتەوە.

لێدوانی تایبەت: ڕێناس وریا بە ئاڤا نیوزی گوت: گۆرانی ڕۆژی جەژن یەكێكە لە بەرهەمە جوانەكانی هونەرمەند سەیدعەلی ئەسغەری كوردستانی و بەهۆی حەزی زۆرم بۆ گۆرانییەكە، دووبارە نوێمان كردووەتەوە و لە جەژنی ڕەمەزاندا پێشكەشی گوێگرانی دەكەین.

زانیاریی زیاتر: گۆرانییەكە بەشێوەی ڤیدیۆكلیپ بڵاودەكرێتەوە و كاری دەرهێنانی لەلایەن بڕیار فەتاح و دیار مەهدییەوە بۆكراوە، ئەرێنجی گۆرانییەكەش لەلایەن نزار زێوێییەوە كراوە.

ئەوەی پێویستە بیزانیت‌‎: گۆرانی (ڕۆژی جەژن) بڕیارە لە جەژنی ڕەمەزاندا بڵاوبكرێتەوە و پێشكەشی گوێگران و بینەران بكرێت.

ئەمەش بزانە: ڕێناس وریا لەدایكبووی شاری سلێمانییە، لە ساڵی 2004وە سەرقاڵی كاری هونەرییە و خاوەنی چەندین بەرهەمی خۆیەتی.