یەکێتیی ئەوروپا پێشوازی لە ڕێککەوتنی سەرۆکوەزیران بارزانی و سوودانی دەکات

ئاڤا نیوز

باڵیۆزی یەكێتیی ئەوروپا لە عێراق ڕایگەیاند: پێشوازی لە ڕێككەوتنی نێوان حکومەتی هەرێمی کوردستان و حکومەتی عێراق دەكەین لەبارەی کێشەی مووچە.

پەیامی فەرمی:  تۆماس سیلەر، باڵیۆزی یەكێتیی ئەوروپا لە عێراق، لە پەیامێکدا کە بە زمانی کوردی بڵاوی کردووەتەوە، پێیوایە ئەم جۆرە ڕێککەوتنانە بەشدارن لە سەقامگیری هەرێمی کوردستان و عێراق بە گشتی. 

زانیاریی زیاتر: تۆماس سیلەر جەختی کردووەتەوە وەکو یەکێتیی ئەوروپا بەردەوام دەبن لە هاندانی هەردوولا بۆ دۆزینەوەی چارەسەری هاوبەش.

باکگراوند: سەرۆکوەزیران بارزانی و محەممەد شیاع سوودانی، سەرۆکوەزیرانی عێراق ڕێککەوتوون کێشەی مووچە بەیەکجاری چارەسەر بکرێت و مانگانە لە وادەی خۆیدا تەواوی پارەکە بنێردرێت و دابەش بکرێت، ئەمڕۆش ڕێککەوتنەکە کەوتە بواری جێبەجێکردنەوە و حکومەتی عێراق دەستی بە ناردنی مووچەی مانگی سێ کرد.