لە تونس بە هۆی تێکشکانی بەلەم دەیان کۆچبەر گیان لەدەست دەدەن

ئاڤا نیوز

بەلەمێکی هەڵگری کۆچبەران کە لە تونسەوە بەرەوە ئەوروپا بەڕێ کەوتبوو، تێکدەشکێت و بە هۆیەوە دەیان کۆچبەر گیان لەدەست دەدەن.

لێدوانی فەرمی: وەلیت شتابری، گوتەبێژی ئۆفیسی داواکاری گشتیی شاری مەهدیەی تونس ڕایگەیاند بە هۆی ڕووداوەکەوە 40 کۆچبەر گیانیان لەدەست داوە و هاوکات توانراوە 30 کۆچبەر ڕزگار بکرێن.

زانیاریی زیاتر: کۆچبەرەکان خەڵکی وڵاتانی باشووری ئەفریقا بوون و ویستوویانە لە تونسەوە و بە ڕێگای دەریا خۆیان بگەیێننە ئەوروپا.

ئەمەش بزانە: لە ناو ئەو کەسانەی کە گیانیان لەدەست داوە ژمارەیەک منداڵی شیرەخۆرە هەن.