دەست بە دابەشکردنی سەبەتەیەكی دیكەی بەشەخۆراکی هاووڵاتیان دەکرێت

ئاڤا نیوز

هەفتەی داهاتوو دەست بە دابەشکردنی  سەبەتەی حەوتەمی بەشەخۆراکی هاووڵاتیان دەکرێت و  بەڕێوەبەرێكی گشتیی وەزارەتی بازرگانیش وادەی دابەشكردنی بەشە ئارد ئاشكرا دەكات.

لێدوانی فەرمی: دلێر عەبدولواحید، بەڕێوەبەری بازرگانی و کەلوپەلی خۆراکی هەولێر بە ئاڤای ڕاگەیاند: ڕۆژی یەکشەممەی داهاتوو، دەست بە دابەشکردنی سەبەتەی حەوتەمی بەشەخۆراکی هاووڵاتیان دەکرێت، سەرجەم بابەتەکانی بەشەخۆراکەکە لە گۆکاندان و ئامادەن بە بریکارەکانی خۆراک بدرێن.

زانیاریی زیاتر: بە گوتەی نەوزاد شێخ کامیل، هەفتەی داهاتوو ئاردیش دەگاتە لای بریکارەکانی خۆراک، بەمەش لە ناوەڕاستی هەفتەی داهاتوودا دەست بە دابەشکردنی دەکرێت و هاووڵاتیان دەتوانن سەردانی بریکارەکانیان بکەن.

ژمارەکان وا دەڵێن: بەشەخۆراکی حەوتەم بۆ ئەندامێکی خێزان بەم شێوەیە:

سێ کیلۆ برنج.
یەک کیلۆ شەکر.
یەک قوتوو دۆشاوی تەماتە.
نیو کیلۆ لەتکەنۆک.
نیو کیلۆ نیسک.
لیترێک زەیت.