ئاڤا وردەکاریی دەنگی پووچەڵ لە دەنگدانی تایبەت بڵاو دەکاتەوە

ئاڤا نیوز

لە دەنگدانی تایبەت بۆ هەڵبژاردنی پەرلەمانی عێراق، لە هەر سێ بازنەکەی دەنگدان لە هەرێمی کوردستان، زیاتر لە 37 هەزار دەنگی پووچەڵ هەبووە و ڕێژەی هەرە زۆری دەنگە پووچەڵەکان لە پارێزگای سلێمانی بووە.

زانیاریی بەدەستهاتوو: بەپێی ئەو داتایەی دەست ئاڤا گەیشتووە، لە بازنەکانی، سلێمانی، هەولێر و دهۆک 291 هەزار و 796 کەس دەنگی داوە، بەڵام 37 هەزار و 323 دەنگ پووچەڵ بووە. بەمجۆرەش دابەش دەبن بەسەر بازنەکان:

- لە بازنەی سلێمانی 106 هەزار و 353 کەس دەنگی داوە، لەو ژمارەیە 19 هەزار و 673 دەنگ پووچەڵ بووە.
-  لە بازنەی هەولێر 109 هەزار و 899 کەس دەنگی داوە، 13 هەزار و 482 دەنگ پووچەڵ بووە.
- لە بازنەی دهۆک 75 هەزار و 544 کەس دەنگی داوە، چوار هەزار و 168 دەنگ پووچەڵ بووە.

لەلایەکی دیکە؛ هەر بەپێی ئەو داتایەی لەبەردەستن، لە دەنگدانی تایبەت لە سێ بازنەکەی هەرێمی کوردستان لەگەڵ بازنەکانی نەینەوا و کەرکووک 45 هەزار و 353 دەنگ پووچەڵ بووە. 
-  لە بازنەی نەینەوا 95 هەزار و 960 کەس دەنگی داوە، چوار هەزار و 328 دەنگ پووچەڵ بووە.
-  لە بازنەی کەرکووک 47 هەزار و 324 کەس دەنگی داوە، سێ هەزار و 702 دەنگ پووچەڵ بووە.