ژمارەی کاندیدانی بازنەکانی هەرێمی کوردستان و ناوچە کوردستانییەکان

ئاڤا نیوز

پرۆسەی دەنگدانی گشتی لە پارێزگاکانی هەرێمی کوردستان و عێراق دەستیپێکرد، زیاتر لە هەزار و 600 کاندید، لە بازنەکانی هەرێمی کوردستان و ناوچە کوردستانییەکانی دەرەوەی ئیدارەی هەرێم کێبڕکێی بەدەستهێنانی کورسی دەکەن.

چیرۆکی سەرەکی: لە پرۆسەی دەنگدانی گشتیی 20 ملیۆن و 63 هەزار و 773 کەس کە مافی دەنگدانیان هەیە، بەسەر هەشت هەزار  و 703  بنکەی دەنگدان دابەشبوون، لە سێ بازنەکەی هەرێمی کوردستان دوو ملیۆن و 844 هەزار و 51 دەنگدەر مافی دەنگدانیان هەیە.

زانیاریی بەدەستهاتوو: هەزار و 601 کاندید، لە سێ بازنەکەی هەرێمی کوردستان و پارێزگاکانی کەرکووک و نەینەوا، کێبڕکێ لەسەر بەدەستهێنانی 93 کورسی دەکەن. لە سێ بازنەکەی هەرێمی کوردستان لەسەر 46 کورسی بە کۆتاوە کاندیدەکان کێبڕکێ دەکەن.

ژمارەکان وادەڵێن: ئەو هەزار و 601 کاندیدە بەمشێوەیە بەسەر بازنەکانی هەرێمی کوردستان و کەرکووک و نەینەوا دابەشبوون:-

هەولێر: 108 کاندید بۆ  16 کورسی
سلێمانی: 136 کاندید بۆ  18 کورسی
دهۆک: 59 کاندید بۆ 12 کورسی
کەرکووک: 251 کاندید بۆ 13 کورسی 
نەینەوا: هەزار و 47 کاندید 34 کورسی