جومانە غەلای: دەنگدەران دەتوانن تاوەکو کۆتاییهاتنی پرۆسەی دەنگدان کارتی بایۆمەتری وەربگرنەوە

ئاڤا نیوز

وتەبێژی کۆمیسۆنی باڵای سەربەخۆی هەڵبژاردنەکان لە عێراق لە لێدوانێکی تایبەتدا بۆ ئاڤا باسی لەوەکرد، ئەو هاووڵاتییانەی تاوەکو ئێستا کارتی دەنگدانیان وەرنەگرتووەتەوە، دەتوانن تاوەکو پێش کۆتاییهانی پرۆسەی دەنگدان کارتی دەنگدانیان وەربگرنەوە. 

چیرۆکی سەرەکی: بەرەبەیانی ئەمڕۆ سێشەممە بە بەشداریی زیاتر لە 20 ملیۆن دەنگدەر لە سەرانسەری عێراق، پرۆسەی دەنگدان بۆ خولی شەشەمی پەرلەمانی عێراق دەستیپێکرد و پرۆسەکە بەبێ گرفت بەردەوامە. 

لێدوانی فەرمی: جومانە غەلای، وتەبێژی کۆمیسۆنی باڵای سەربەخۆی هەڵبژاردنەکان لە عێراق لە لێدوانێکی تایبەتدا بۆ ئاڤا ڕایگەیاند: پڕۆسەی دەنگدان بە بەشداری زیاتر لە 20 ملیۆن دەنگدەر پرۆسەی دەنگدان دەستپێکردووە، کە زیاتر لە چوار ملیۆن دەنگدەر خەڵکی هەرێمی کوردستانن و دابەشکراون بەسەر 39 هەزار و 800  بنکەی دەنگدان لە سەرانسەری وڵات. 

لەلایەکی دیکەوە: جومانە غەلای باسی لەوەشكرد: پڕۆسەی دەنگدان تاوەکو کاتژمێر شەشی ئێوارە بەردەوام دەبێت، دەنگدەران تاوەکو پێش کۆتاییهاتنی پرۆسەی دەنگدان کارتی بایۆمەتری دەنگدان وەربگرنەوە.