مووچەی مانگی یەکی وانەبێژان دابەش دەکرێت

ئاڤا نیوز

 

دوای دابەشکردنی شایستە داراییەکانی مانگی 12ـی وانەبێژان ئێستا ئامادەکارییەکان بۆ دابەشکردنی مانگی یەک تەواو بوونە و سبەی دابەش دەکرێت.

 

لێدوانی فەرمی: هونەر جەمال، گوتەبێژی وەزارەتی دارایی هەرێمی کوردستان بە ئاڤا نیوزی گوت: "سبەی دووشەممە مووچەی مانگی یەکی وانەبێژان دابەش دەکرێت".

 

ئەوەی پێویستە بیزانیت: لە هەرێمی کوردستان 37 هەزار مامۆستای وانەبێژ هەن، شایستەی مانگانەیان نزیکەی 15 ملیار دینارە، ئەوانەی هەڵگری بڕوانامەی دبلۆمن، لەنێوان 250 - 350 هەزار دینار و هەڵگرانی بڕوانامەی بەکالۆریۆسیش 250 - 400 هەزار دیناریان بۆ خەرج دەکرێت.