فیلمێکی کوردی ترسناک بەڕێوەیە

ئاڤا نیوز

 

بۆ یەکەمینجار لە مێژووی سینەمای کوردیدا، فیلمێکی ترسناک بەرهەمدەهێنرێت و لە ئاییندەیەکی نزیکدا لە سینەماکان نمایش دەکرێت.

 

لێدوانی فەرمی: باهۆز نەسرەدین، پرۆدیوسەری فیلمەکە بە ئاڤا نیوزی راگەیاند: "فیلمی کفن، لە نووسین و دەرهێنانی سروشت عەبە ڕەشە و خۆم وەک پرۆدیوسەر کارم تێداکردووە و بەرهەمی میترۆنۆمە".

 

ئەوەی پێویستە بیزانیت: کفن، یەکەمین فیلمی کوردییە لە ژانری ترسناک، ئێستا کاری وێنەگرتنی کۆتایی هاتووە و لە قۆناغی مۆنتاژ و تەواوکارییە هونەرییەکانە.

 

زانیاریی زیاتر: هەریەک لە نزار سەلامی، چریکە عەبەڕەش، کارۆ سەوز و چەندین ئەکتەری دیاری کوردستان لە فیلمەکەدا بەشدارن.