بەهۆی لێخۆشبوونی قەرزی کارەبا زیاتر لە 260 ملیار دینار بۆ هاونیشتمانیان دەگەڕێتەوە

ئاڤا نیوز

 

گوتەبێژی وەزارەتی کارەبا ڕایگەیاند، بڕیاری داشکاندنی 20%ـی لێخۆشبوونی قەرزی کارەبا چووەتە بواری جێبەجێکردنەوە و تەواوی هاونیشتمانیان لە بڕیارەکە سوودمەند دەبن.

 

وێنە گەورەکە: سەرۆکوەزیران بارزانی لە ڕۆژی 27-03-2024 چەند بڕیارێکی لە بەرژەوەندی هاونشتمانیاندا، کە یەکێک لەوانە داشکاندنی ڕێژەی 20% لە قەرزی کەڵەکەبووی ئاو و کارەبا و پێبژاردنی سزای هاتووچۆ بوو.

 

لێدوانی فەرمی: "ئەو داشکاندنەی بۆ قەرزی کارەبا کراوە، سوودێکی زۆری بۆ هاونیشتمانیان دەبێت و پارەیەکی زۆریشیان بۆ دەگەڕێنێتەوە لەکاتی دانەوەی قەرزەکانیان؛ ئێستا بڕیارەکە چووەتە بواری جێبەجێکردنەوە"، ئومێد ئەحمەد، گوتەبێژی وەزارەتی کارەبا ئەمەی بە ئاڤا نیوز گوت.

 

ئەوەی پێویستە بیزانیت: ژمارەی هاوبەشانی کارەبا نزیک بووەتەوە لە ملیۆنێک و 900 هەزار هاوبەش، یەک تریلیۆن و 300 ملیار دینار قەرزی کارەبا لای هاوبەشانە. لەدوای داشکاندنی %20، بڕی  زیاتر لە 260 ملیار دینار بۆ هاوبەشان دەگەڕێتەوە.

 

باکگراوند: لە ماوەی دوو ساڵی ڕابردوو، ئەمە سێیەمین جارە حکومەتی هەرێمی کوردستان داشکاندنی قەرزی کارەبا ڕابگەیێنێت.