بڕیار لەبارەی بەگرێبەستکردنی وانەبێژان دەدرێت

ئاڤا نیوز

 

وەزارەتی پەروەردەی هەرێمی کوردستان ڕایگەیاند، پاش جەژنی ڕەمەزان لیستی مووچەی مامۆستایانی وانەبێژی دانەمەزراو لەسەر بنەمای بە گرێبەستبوونی (کۆی وانەبێژان) لە ڕێگەی حکومەتی هەرێمی کوردستانەوە ئاراستەی حکومەتی عێراقی فیدراڵ  بکرێت. 

 

ڕاگەیێنراوی فەرمی: بە فەرمانی سەرۆکوەزیران بارزانی پاش جەژنی رەمەزان، وەزارەتی پەروەردە، ئامادەکاری بۆ ناردنی لیستی وانەبێژان دەكات تاوەکو لە ڕێگەی حکومەتی هەرێمی کوردستانەوە ئاراستەی حکومەتی عێراق بکرێت بۆ ئەوەی بكرێنە گرێبەستی هەمیشەیی.

لە ڕاگەیێنراوی وەزارەتی پەروەردەدا هاتووە

 

بابەتی ستراتیژی: لە ڕۆژی سێشەممە 16-04-2024، وەزارەتی پەروەردە لیستی مامۆستایانی وانەبێژ، ئاراستەی ئەنجوومەنی وەزیران دەکات بۆ ئەوەی لە ڕێگەی وەزارەتی دارایی هەرێمی کوردستانەوە ئاراستەی حکومەتی فیدراڵی بکرێت.