‎چۆپی فەتاح "جوانترین چاو" بڵاودەکاتەوە

ئاڤا نیوز

چۆپی فەتاح، هونەرمەندی کورد بەرهەمێکی نوێی بەبۆنەی جەژنی ڕەمەزان بڵاودەکاتەوە و بەشێکی تێکستەکەی لەلایەن باوکییەوە نووسراوە.
 
‎چیرۆکی سەرەکی: "‎جوانترین چاو" نوێترین بەرهەمی میوزیکیی هونەرمەند چۆپی فەتاحە کە بڕیارە جەژنی ڕەمەزان پێشکەش بە هەوادارانی بکات.

 

‎لێدوانی فەرمی: ‎چۆپی فەتاح لە لێدوانیکدا بۆ ئاڤا نیوز گوتی: "جوانترین چاو" نوێترین بەرهەمم دەبێت بۆ جەژنی ڕەمەزان و یەکەم بەرهەممە لە ساڵی 2024 بڵاوی دەکەمەوە. 

 

‎زانیاریی زیاتر: ‎بەرهەمەکە ئاوازی فۆلکلۆرە، بەشێک لە تێکستەکە فۆلکلۆرە و بەشێکی دیکەی لەلایەن (ئیحسان فەتاح )ـی باوکم نووسراوە، ‎کاری دابەشکردنی میوزیکی لەلایەن (پێشکار سەڵتە و هاوژین کۆژین) لە ستۆدیۆی زانا عەبدوڵڵاهی بۆ کراوە ، میکس و ماستەرین ( عەلی شەریف زادە) کردوویەتی، هەروەها ‎وەزیر خالید سەرجەم کار و بەرهەمهێنانی ڤیدیۆ کلیپەکەی کردووە

 

‎ئەمەش بزانە: ‎ڤیدیۆکە بەرهەمی چۆپی پرۆداکشنە و محەممەد سیسکۆ کاری دەرهێنانی کلیپەکەی کردووە، ‎بڕیارە لەسەر یوتیوبی هونەرمەند بڵاوببێتەوە.