دوای جەژن ڕێکارەکانی ناردنی پارە بۆ هەرێمی کوردستان دەستپێدەکات

ئاڤا نیوز

 

دوای پشووی جەژن، وەزارەتی دارایی عێراق ڕێکارەکانی ناردنی پارە بۆ مووچەی مانگی چواری مووچەخۆرانی هەرێمی کوردستان دەستپێدەکات.

 

بۆچی گرنگە؟ لەگەڵ گەیشتنی پارەکە، ڕاستەوخۆ لیستی مووچە ڕادەگەیێنرێت و هەر دوای ئەوە، دەست بە دابەشکردنی مووچە دەکرێت.

 

لێدوانی فەرمی: "چاوەڕوان دەکرێت وەزارەتی دارایی عێراق 20ـى ئەم مانگە، لەگەڵ دابەشکردنی مووچەى فەرمانبەرانى عێراق، مووچەى فەرمانبەرانى هەرێمى کوردستانیش بنێرێت". د. جەمال کۆچەر، ئەندامی لیژنەی دارایی لە ئەنجوومەنی نوێنەرانی عێراق.

 

ئەوەی پێویستە بیزانیت: دوای ڕێککەوتنی سەرۆکوەزیران بارزانی و سوودانی، بڕیارە لەمەودوا پرسی مووچە چارەسەر بکرێت و مانگانە لە کاتی خۆیدا بنێردرێت.