لیستی مووچەی مانگی چوار بۆ بەغدا دەنێردرێت

ئاڤا نیوز

بڕیارە سبەی یەکشەممە، لیستی مووچەی مانگی چواری مووچەخۆرانی هەرێمی كوردستان لە لایەن وەزارەتی دارایی و ئابورییەوە ئامادە بکرێت و دواتر بۆ بەغدا بنێردرێت.

لێدوانی فەرمی: مەولوود سابیر، بەڕێوەبەری بانکە بازرگانییەکان بە ئاڤا نیوزی گوت: لەم هەفتەیە و لەگەڵ دەستپێکردنەوەی دەوامی فەرمانگەگان لیستی مووچەی مانگی چواری مووچەخۆرانی هەرێمی کوردستان ئامادە دەکرێت، هەر لەم هەفتەیە لیستەکە دەنێردرێتە بەغدا.

بۆچی گرنگە: عێراق 22ـی مانگ دەست بەدابەشکردنی مووچە دەکات، هاوکات وەزارەتی دارایی و ئابووری حکومەتی هەرێمی کوردستان لەگەڵ گەیشتنی پارەی مووچەی مووچەخۆران ڕاستەوخۆ دەست بە دابەشکردنی دەکات.

وێنە گەورەکە: دوای ڕێککەوتنی سەرۆکوەزیران بارزانی و سوودانی، بڕیارە لەمەودوا مووچە لە سەرجەم کێشەکان جیابکرێتەوە و مانگانە لە کاتی خۆیدا بنێردرێت.

ئەوەی پێویستە بیزانیت: بڕیار وایە وەزارەتی دارایی عێراق تاوەکو 25 ئەم مانگە مووچەی مانگی چواری سەرجەم مووچەی خۆران بۆ هەرێمی کوردستان بنێرێت.