کۆتایی ئەم مانگە هێڵی نەوتی عێراق و تورکیا دەکرێتەوە

ئاڤا نیوز 

 

زیاتر لە ساڵێکە هێڵی نەوتی نێوان عێراق و تورکیا داخراوە، وەزارەتی نەوتی عێراقیش بەم نزیکانە هێڵی نەوتی لەگەڵ تورکیا دەکاتەوە، کە لە پارێزگای مووسڵەوە درێژ دەبێتەوە بەرەو تورکیا.

 

لێدوانی فەرمی: باسم محەممەد خزر، بریکاری وەزیری نەوتی عێراق: ''وەزارەتەکەمان هەوڵەکانی بۆ کردنەی هێڵی نەوتی لەگەڵ تورکیا چڕترکردووەتەوە، بە ئەگەرێکی زۆرەوە کۆتایی مانگی نیسان دەتوانین دەست بە هەناردەی نەوت بۆ تورکیا بکەینەوە''.

 

لەلایەکی دیکەوە: بۆچوونی لایەنی دیکە: مایڵز کاگینز، گوتەبێژی ئەپیکور بە ئاڤا نیوزی گوت: ''هەوڵەکان بۆ کردنەوەی بۆڕی نەوتی مووسڵ ڕژدترە، بەڵام کار دەکرێت بۆ ئەوەی بتوانرێت لەگەڵیدا هێڵە نەوتییەکانی هەرێمی کوردستان و تورکیاش بکرێتەوە''.

 

زانیاریی زیاتر: بۆڕی نەوتی مووسڵ لەساڵی 2013 گورزێکی بەهێزی بەرکەوت، حکومەتی عێراقی بۆرییە نەوتییەکەیان چاککردووەتەوە و ئێستا ئامادەیە دووبارە بکرێتەوە.

 

ژمارەکان وا دەڵێن: هێڵە نەوتییەکە 950 کیلۆمەتر درێژە و ئێستا توانای هەناردە کردنی 350 هەزار بەرمیلی هەیە لە ڕۆژێکدا.